أخبار البيانات المزروعة ابق على اطلاع على آخر الأخبار المحلية والعالمية لحظة بلحظة، واقرأ المزيد عن السياسة والصحة والاقتصاد والرياضة والمزيد.
تقدم الخبيرة الاسريه والناشطه التعليميه منى ابو غالى نصائح هامة ومفيدة لطلاب الثانويه العامة من أجل اجتياز هذه المرحلة بنجاح وتفوق .تنصح ابو غالى الطلاب قائلة “نحن على وشك بداية اختبارات تالته ثانوي للمواد خارج المجموع ويارب تكون امتحانات خير من بدايتها على جميع الطلاب
فحاولو تناموا كويس، علشان تصحوا فايقين
ونقدر التوتر اللي انتم فيه دلوقتي ربنا معاكم وحاولوا تهدوا كده شويةوبعد اول امتحان رهبة الإمتحانات هتروح لكن التوتر مش هيروح الا بعد النتيجة وبمجرد دخولكم اللجنة المراقبين هيعرفوكم كل التفاصيل تكتبوا رقم الجلوس ازاي وتظللوا ازاي وتكتبوا باقي البيانات وياريت تركزواباهتمام لان فكرة انك تستبدل ورقة البابل شيت مش سهلة فيجب التركيز بدقه ونكتب صح ونقرا جيدا الأسئلة ونظلل داخل الدائرة
مش اكبر منها ولا اقل منها علشان جهاز التصحيح
الالكترونى .و ياريت نؤكد علي ابنائنا ان السؤال اللي هما متاكدين منه بالفعل يظللوة بالجاف كويس اما اي سؤال مش متأكدين او مترددين فى إجابته يظلل بالرصاص ظل خفيف وبعد التأكد من الاجابه يرجع تاني يظلل بالجاف .ونبتعد قدر المستطاع عن الاخطأ والشطب او وضع علامة اكس.ومن الممكن استخدام ورق الاسئلة كمسودات يكتبوا بالرصاص وبعد الحل يمسحوا ويحلوا غيرة في حالة عدم توافر اوراق كافية للمسودات وتنصح “منى “الطلاب بالتدريب على حل اسئلة كثيرة بقدر المستطاع وعليكم الذهاب الى اللجنه قبلها بربع ساعة على الأقل علشان تخلص اجراءات التفتيش .كما تنصح بضرورة الالتزم بقرارات الوزارة تجنبا لاي مشاك وعدم استمرار البقاء خارج اللجنة كثيرا لمتابعة جروبات التليجرام ويمكن تطلع لك بسؤال ولا اتنين لان التأخير مش في صالحك. ومن الممكن فعلا تتمنع من دخول اللجان الا بسبب مقنع
وتطالب ابو غالى الأمهات اللي بتنزل مع اولادها اللجان علشان تطمن وتفضل واقفة منتظراهم
بعدم فعل ذلك لانكم تصيبو أنفسكم وابنائكم بالتوتر ونعلم أن الطلاب محتاجين دعم نفسي كبير اوى وياريت بس تتجنبوا الوقوف امام اللجان
علشان تسهلوا دخول الطلاب لأماكنهم اوقات التزاحم بيعمل مشاكل وخناقات.ومن الضرورى الاهتمام بتغذية ابنك او بنتك اكله يكون بيحبها
وتقديم العصائر وتوفير الجو مناسب حتى لو اعصابك بايظةويجب على الأمهات والأسباب ضبط الأعصاب أمام الأبناء طوال أيام الامتحانات لأنه اهم وقت واصعب وقت للطلاب ولا ينعكس عليهم بالسلب .واتمنى التوفيق والنجاح لجميع الابناء .
